Франција ќе биде домаќин на меѓународна конференција во октомври, чија цел е да овозможи собирање хуманитарна помош за Либан и да придонесе за зајакнување на безбедноста во јужниот дел на земјата, најави францускиот претседател Емануел Макрон.
„Во следните неколку недели ќе одржиме конференција насочена кон олеснување на хуманитарната помош, поддршка на меѓународната заедница и давање поддршка на либанските вооружени сили за зајакнување на безбедноста таму, особено во јужен Либан“, рече Макрон.
Израел започна интензивно бомбардирање во Либан во последниве недели и испрати војници преку границата, по речиси една година конфликт со милитантната група Хезболах поддржана од Иран.
Борбите претходно беа главно ограничени на израелско-либанската погранична област и се одвиваа паралелно со едногодишната војна на Израел во Газа против палестинската група Хамас.
