Пошта на Македонија со години работи со загуба и тоа во износи не помали од два или три милиони евра секоја година.
Првиот човек на синдикатот на Македонска пошта, Боро Велигденов, вели дека има многу фактори кои довеле до влошување на оваа институција, но најзначајни се уништувањето на системот, малиот број на вработени, ниските плати и кадровските политики.
Синдикатот очекува заложба на Владата поштата да ја претвори во профитабилна институција.
„Владата мора да преземе мерки и да креира реформи и стратегии за позиционирање на Пошта бидејќи имаме над 300 пунктови низ државата и мал капацитет на вработени.
Систематизацијата што сакаме да се направи е да се зголеми бројот на вработени и да се зголеми ефикасноста“, изјави првиот човек на синдикатот на Пошта, Боро Велигденов, објави Телеграфи
Граѓаните постојано го изразуваат својот поради влошените услуги, доцнат испораките или се губат…
Граѓаните бесни откако директорите на „Пошта“ во ек на криза си зголемувале плати за 50%
Директорот на Македонски пошти, Орхан Куртиши, вели дека платите не ги зголемуваат директорите, туку менаџерските договори, надзорниот совет заедно со владата, ресорниот министер…
Тој вели и дека во македонските пошти имало над 100 вработени кои не доаѓале на работа, а меѓу нив има и такви кои се во странство, а се водат за вработени.
„Поштата на месечно ниво остварува приход од 80 до 110 милиони денари, што е доволно за работењето на поштата, 80 отсто одат за плати на вработените. А останатото за наталожени долгови.
Владината одлука во 2017 година, кога СДСМ дојде на власт, донесе две решенија штетни за поштата. Наидовме на список каде по првите два месеци бројот на оние кои не доаѓаа на работа беше 100, а потоа кога објавивме во медиумите дека ќе ги отстраниме, почнаа да доаѓаат на работа, но таму се и оние кои се во странство и се чини дека се вработени“, изјави директорот Куртиши.
Во моментов Македонска пошта има 1.600 вработени и 250 вработени на договор. 60 отсто од вработените се над 57 години, додека 80 отсто од вработените земаат минимална плата.
