Во анализите за првите 100 дена владеење на третата влада на бугарскиот премиер Бојко Борисов неговите критичари велат дека единствен успех што тој го постигнал во овој период е потпишувањето на договорот со Македонија.
На Борисов му се забележува дека неговата влада не ја контролира целата територија на државата односно дека пристаништетот Росенец е под контрола на „Лукоил“ и на Русија а дека во Варна делови од градот се под контрола на локални моќници кои што се поврзани со Русија.
Неговите критичари велат дека една од причините зошто Бугарија не е дел од Шенген зоната е ваквиот начин на владеење во кое Русите имаат огромно влијание.
Генерален заклучок на владата на Борисов во првите 100 дена е дека освен договорот со Македонија кој што според сите е навистина многу важен, во другите политики Бугарија се соочува со состојби кои што се ризик за блиската иднина на земјата.
И во оценката за работата на министрите поединечно најдобро оценета е шефицата на дипломатијата Екатерина Захариева и тоа само поради потпишаниот договор со Македонија.
