Русија ја поздрави изјавата на украинскиот претседател Володимир Зеленски дека Киев е подготвен да преговара за војната, но за Москва сè уште не е јасно со кого може да преговара, соопшти денеска Кремљ.
Зеленски се предаде: Подготвени сме да работиме на мир под силното лидерство на Трамп
Зеленски ја даде изјавата во писмото до американскиот претседател Доналд Трамп, кое Трамп го објави вчера.
„Украина е подготвена да седне на преговарачка маса што е можно поскоро за да не приближи до траен мир. Никој не сака мир повеќе од Украинците“, рече Трамп во обраќањето до Конгресот, цитирајќи го писмото.
На прашањето како Кремљ гледа на овој развој, портпаролот на Кремљ Дмитриј Песков одговори: „Позитивно“.
Но, тој додаде: „Прашањето е со кого да седне. Засега, на украинскиот претседател сè уште му е законски забрането да преговара со руската страна.
Значи, генерално, пристапот е позитивен, но нијансите сè уште не се променети“.
Зеленски потпиша декрет во 2022 година, кој исклучува преговори со претседателот Владимир Путин.
