Канал 5 телевизија пред граѓанскиот суд во Скопје отворила таканаречена ,,Локација за извинување на грешници”, објави директорот на телевизија Иван Мирчевски.
Тој преку социјалната бизнис мрежа LinkedIn открива дека локацијата веќе ја искористил Саше Политико кој јавно се извинил а во меѓувреме ирч важи за извинување ги очекува лидерот на Левица Димитар Апасиев, медиумскиот тајкун и невладин активист Џабир Дерала и новинарот Насер Селмани.
Локацијата за извинување на грешници може да ја искористи секој граѓанин кој некогаш згрешил и сака да се извини.
,,Почитувани пријатели на #linkedin,
ви нудам уникатна, безвременска, никогашдосегаовозможена шанса, каква што само сте ја сонувале
Некој ве наклеветил, некој ве навредил и интенционално ве повредил? Сакате да го тужите?
Регистрираме локација/hotspot пред граѓанскиот суд 2 Скопје која ја нарековме
“Канал 5 ТВ-локација за извинување на грешници”,
локација каде се извини ликот познат како Саше Политико”, објави Мирчевски кој на сите граѓани им нуди да ги најдат своите грешници, и ако тие се расположени за извинување да ја искористат локација.
,,Но чекајте, тоа не е се!
Ние можеме да го организираме целиот процес на извинување, контакт со грешникот, убедување прв и втор степен, каење, снимање на извинувањето – сето тоа по прифатлив ценовник.
А што се парите во однос на судски рочишта и ваше малтретирање? Ситница!
Јас се’ уште ги чекам на оваа локација:
– Димче Апасиев
– Џабир Дерала
– Насер Селмани”, пишува Мирчевски презентирајќи ја оригиналната идеја за помирување.
