На социјалните мрежи се појави нова снимка од пожарот во дискотеката „Пулс“ во Кочани.
На видеото се гледа како присутните во паника почнуваат да излегуваат од дискотеката и како настанува гужва на излезот
Во првите секунди од снимката, се гледа како дел од присутните се’ уште стојат и не го напуштаат објектот, а дел од нив (како и креаторот на снимката) снимаат.
За тоа време, пожарот се шири.
Веќе околу 20-та секунда од снимката, се слушаат и врисоци, но и коментар: „Излавај (излегувај), излавајте (излегувајте)“.
Голем дел од загинатите, но и повредените, биле потиснати од стампедото кое се створило на првата врата за излез од клубот, а во последните секунди од снимката, може да се види и тесниот пролаз, низ кои поминувале над 600 лица, за да стигнат надвор.
