Украинскиот претседател Володимир Зеленски упати остро предупредување за ризикот од глобална ескалација на војната во интервју за американската емисија „60 минути“ на CBS, нагласувајќи дека „ако нема решителен отпор, Путин ќе продолжи напред“.
Според него, она што е во прашање сега не е само иднината на Украина, туку и безбедноста на целиот свет.
„Тоа не се само празни шпекулации. Заканата е реална. Путин сака да ја оживее руската империја и да ги врати териториите кои сега се под заштита на НАТО“, рече Зеленски.
„Нема да остане безбедно место за никого“, предупреди тој.
Зеленски изрази целосна недоверба во можноста за мировни преговори со Русија: „Овој удар значи дека не можеме да и веруваме на Русија. Не можеме да и веруваме на преговорите со неа“.
За време на интервјуто, украинскиот лидер ја откри ужасната статистика од последните три години: над 13.000 убиени цивили, 1.700 руски напади врз училишта, 780 болници под оган, над 600 деца убиени и до 100.000 убиени украински војници. „Нашите луѓе ја плаќаат највисоката можна цена“, рече тој.
Зеленски го критикуваше американскиот претседател Доналд Трамп за неговите позиции за војната. За време на неговата посета на Вашингтон во февруари, украинскиот претседател беше шокиран од тврдењето на Трамп дека Украина ја започнала војната, како и од неговото нарекување Зеленски „диктатор без избори“.
„Мислам дека е погрешно САД да се обидат да останат неутрални“, рече Зеленски. „Претседателот Трамп, како силен лидер на силна земја, мора да застане покрај Украина.
