Во 2040. година во Велика Британија ќе биде забранета продажбата на автомобили со конвенционални дизелски и бензински мотори во обид да се намали загадувањето на околината. Но пред тоа на локално ниво ќе бидат спроведени низа мерки кои ќе и го пробијат патот на оваа одлука, па за нивно имплементирање, владата ќе одвои 255 милиони фунти, додека вкупно три милијарди ќе бидат потрошени на подобрување на квалитетот на воздухот.



Оваа одлука не беше поштедена од критики во кои, се истакнува дека 2040. е малку доцна и дека тоа треба да се случи уште во 2025 година. Се споменува и дека сето ова всушност е манипулација која треба да го прикрие недостатокот на моментални акции во однос на ова прашање бидејќи годишно од загадениот воздух во Британија умираат 40 илјади луѓе.

Претходно слична забрана најави и Франција, што е повеќе од јасен сигнал дека во иднина ниту еден автомобил нема да може да се продава ако нема некоја еколошки прифатлива технологија како електрична, хибридна или водородна.