Премиерот Андреј Пленковиќ и неговата влада на ХДЗ, ДП и помалите коалициски партнери решија значително да ги зголемат платите на министрите, пратениците, државните секретари, уставните судии и сите други државни функционери.
Пленковиќ не се изјаснува за висината на покачувањето на платите.
„Кога ќе биде, ќе ве информираме“, рече Пленковиќ, пренесува Индекс.хр.
Но, главниот коалициски партнер на Пленковиќ, претседателот на Движењето Татковина, Иван Пенава, споменува дека зголемувањето на платите ќе биде 70 или пвеќе проценти.
Доколку овој предлог се усвои, новите плати на премиерот Пленковиќ и на претседателот Зоран Милановиќ би изнесувале:
Пленковиќ – најмалку 5.211 евра нето (стара плата 3.263 нето)
Милановиќ – најмалку 5.804 евра нето (стара плата 3.587 нето)
