Официјалната претставничка на руското Министерство за надворешни работи, Марија Захарова, го повика грчкиот премиер Кирјакос Мицотакис да не го изневерува сеќавањето на движењето на грчкиот отпор, по зборовите на политичарот за поддршка на Киев.
Мицотакис на конференцијата на Европската народна партија во Букурешт ја нарече Русија „непријател“ на Европа и вети дека ќе продолжи да ја поддржува Украина „колку што е потребно“, а неговиот говор го прикажа грчката државна телевизија ЕРТ.
„Во моето советско/руско училиште, за време на вообичаениот час по музика за секој од нашите ученици, ги проучував делата на Микис Теодоракис. Ги знаев и неговата музика и неговата судбина. Тој, исто така, беше непријател на Европа, нацистичка Европа. Кирјакос, не изневерувајте го споменот на грчкиот отпор!“, напиша таа на нејзиниот налог на социјалната мрежа Телеграм.
Захарова, исто така, истакна дека Москва не ја заплашила и нема намера да ја заплаши ниту Атина, ниту другите европски земји, но и оти руската страна нема намера да трпи манифестации на нацизам.
„Европа беше поинаква. Третиот Рајх исто така беше Европа. За таквата, нацистичка Европа, ние секогаш ќе бидеме непријатели“, дополни портпаролката на руското МНР.
