Високиот претставник на ЕУ за надворешна политика и безбедност, Жозеп Борел, најави дека очекуваниот состанок на европските министри за надворешни работи во Будимпешта во рамките на унгарското претседателство со Советот на ЕУ нема да се одржи до крајот на август.
На прес-конференција по денешниот последен состанок на европските министри за надворешни работи во Брисел пред летниот распуст, тој објасни дека огромното мнозинство од земјите на ЕУ изразиле критики за политиката на Унгарија откако унгарскиот премиер Виктор Орбан отпатувал некоординирани патувања во Москва и Пекинг поврзани со Украина. Средбата закажана за Будимпешта ќе се одржи во Брисел по одморот, објасни Борел.
„Мислењата се силно поделени, се обидов да ги усогласам, одлуката е моја“, изјави тој.
„ЕУ само го поддржува мировниот план на Украина. Само (рускиот претседател Владимир) Путин сака војна. Никој не сака мир повеќе од Украинците“, сумираше Борел.
