Затворскиот притвор за оперскиот пејач Игор Дурловски е заменет со домашен, кој, пак, за пратеничката Жаклина Пешевска е заменет со мерки за претпазливост, а во куќен притвор оди и службеничката во Собрание, Елена Доцевска-Божиновска.
Кривичен совет на Основен суд Скопје 1 ја донесе оваа одлука попладнево на барање на Обвинителството за тројцата осомничени за настаните од 27 април минатата година, кои се товарат за терористичко загрозување на безбедноста и на уставниот поредок.
На другите 21 лице осомничени за случувањата во Собрание, вклучувајќи ги и пратениците на ВМРО-ДПМНЕ и водачите на граѓанската иницијатива „За заедничка Македонија“, Советот им го продолжи притворот за уште 30 дена.
