Изет Меџити и албанската опозиција, на линија со Гордана Силјановска од ВМРО-ДПМНЕ ја презедоа улогата на „маша“ на Мицкоски против се’ што е албанско, се вели во реакцијата на ДУИ, пренесува Телеграфи.
Од неодамна, губитникот на изборите на 24 април, Изет и неговите партнери, се охрабрени и им се закануваат на Албанците и на лидерот на ДУИ, Али Ахмети, обидувајќи се да внесат страв и неизвесност во пресрет на 8 мај, исто како што прават Силјановска и Мицкоски.
„ДУИ и ‘Европскиот фронт’ изразуваат загриженост за валканиот речник на Изет и на албанската опозиција, истовремено повикувајќи ги граѓаните да не станат плен на мрачните и дестабилизирачки агенди со центар во Белград и Москва.
Ги информираме Изет и неговите следбеници дека с. Македонија е веќе полноправна членка на НАТО, а наскоро и членка на Европската Унија“, велат од ДУИ.
Од таму додаваат дека тоа најдобро ќе го разберат на 8 мај, кога Европскиот фронт ќе освои + 20 пратеници.
