Грчките гранични служби идентификувале десетина македонски граѓани кои што вечерва и утре се потенцијални учесници на протестите во кои учествуваат антифашистите и грчките неонацисти.
Се очекува македонски граѓани да учествуваат и на контрапротестите што ќе се случат утре за време на големите протести закажани во Атина.
Грчките служби за безбедност се загрижени за безбедноста на македонските антифашисти и членови на глобални левичарски организации кои што учествуваат на грчките протести, тврдат грчки членови на овие организации.
Во Атина се плашат дека ако грчките националисти дознаат дека меѓу демонстрантите има “Скопјани” може да дојде до сериозни инциденти за време на протестите.
Според анализите на службите евентуален инцидент во кој би настрадале македонски државјани може да предизвика нови сериозни тензии меѓу двете земји во пресрет на финалното решение за името.
Ниту еден од тие што вчера и денеска влегле во Грција не пријавил дека оди на протести во Атина но на социјалните мрежи има постови од кои јасно се гледа дека има такви случаи.
По антимакедонскиот протест во Солун во јануари грчките националисти запалија објект во кои се собирале антифашистички активисти.
