Во Вишото јавно обвинителство Заечар за денеска е закажано рочиштето за осомничениот С.Ј. за убиството на двегодишната Данка Илиќ.
Рочиштето е закажано за 10 часот, а осомничениот решил да ја изнесе својата одбрана, известил неговиот адвокат.
По апсењето, С.Ј се бранеше со молчење, односно го искористил законското право да не изнесе одбрана, додека другиот обвинет Д.Д. го призна убиството.
Двајцата се во притвор, додека таткото Д.Д., кој е осомничен дека му помогнал на синот да го премести телото на девојчето, неодамна е пуштен од притвор, бидејќи за кривичното дело помагање на сторителот по извршувањето на делото, притворот не може да трае подолго од два. месеци.
Девојчето Данка Илиќ исчезна на 26 март во Бањско поле кај Бор.
Полицијата по 10-дневна детална проверка на сите индиции и информации, ги уапсила С.Ј и Д.Д. кои се осомничени дека со автомобил го удриле девојчето, а потоа нејзиното тело го ставиле во багажникот на автомобилот и го фрлиле на депонија.
Телото на девојчето се уште не е пронајдено.
