Во интерес на објективно информирање, Демократскиот сојуз ја известува јавноста дека не сега, туку
Пред повеќе од една година, на 13.02.2023 година, ја напуштивме коалицијата предводена од СДСМ, соопштија Демократскиот сојуз во интерес на, како што велат, објективното информирање.
Од партијата на лидерот Павле трајанов ги наведфуваат и причините за тоа:
неисполнување на коалицискиот договор и погрешните политики на СДСМ,
блокадата на измените на Изборниот законик со кој предлагаа Македонија да биде една изборна единица,
противењето на реформи во правосудниот систем,
високата криминализација и отсуството на борба против високата корупција,
непринципиелната коалиција при реконструкцијата на владата,
неводењето сметка за соодветна и правична застапеност на сите етнички заедници во власта,
прифаќањето на Преговарачката рамка без поширок граѓански и политички консензус.
„За соработка и заеднички настап на претстојните парламентарни избори Демократскиот сојуз има приоритети меѓу кои се: темелни уставни реформи со донесување на нов Устав (без Бадентер и Балансер), реформи во судскиот систем и реизбор на судиите и обвинителите, изградба на ефикасен систем за борба против корупцијата и формирање Агенција за борба против тешките облици на криминал, вклучување на младите во власта (најмалку 30% во советите на општините и парламентот) и посебни предуслови за отворање на бизнис, реформи на администрацијата (укинување на 50% од министерствата, агенциите, регулаторните тела итн.), намалување на бројот на пратениците на 90, но и Македонија да биде една изборна единица, како круцијален предуслов за демократизација и промена на власта“ велат од партијата.
„Демократскиот сојуз како автентична политичка партија, препознатлива по своите политички ставови и определби е подготвена за парламентарните избори.
До крајот на оваа недела јавноста ќе биде информирана за тоа како и со кои партии ќе настапиме на изборите, но во интерес на државата и граѓаните е да се формира широк промакедонски опозиционен блок, преку кој граѓаните ќе ги поразат погубните и анационални политики на ДУИ и СДСМ“, стои во соопштението.
