„Кандидатот за претседател од албанската опозициска коалиција ‘Вреди’ Арбен Таравари, придружуван од претседателот на Движењето Беса Билал Касами, денеска се сретна со членовите на Академијата на Албанците за наука и уметност со седиште во Тетово.“ – објави весникот на албански јазик „Лајм“.
„Лајм“ пишува: „Таравари ги претстави приоритетите на неговата претседателска платформа, поврзани со науката, особено зголемување на инвестициите во науката. Арбен Таравари и Билал Касами истакнаа дека со доаѓањето на власт на коалицијата ‘Вреди’ новата влада приоритет ќе им даде приоритет на независноста на универзитетите и зголемување на квалитетот на образованието на сите рамништа. Од Академијата на Албанците за наука и уметност ја нагласија големата потреба за зголемување на поддршката за науката и на нивното барање да се институционализира оваа академија.“
Оваа средба на Таравари како кандидат за „прв албански претседател на * Македонија“, но и на Касами, отвора повеќе дилеми. Кои се, всушност, пораката и значењето на средбата на Таравари и Касами со оваа така наречена „Албанска академија за наука и уметност“ во Тетово, во западниот дел на територијата на се уште унитарната држава Македонија? Бидејќи, академиите на науки и уметности во која било држава претставуваат еден од столбовите на односната држава, во која постојат, а и од таа причина само односната држава ги основа, како што е и случајот со Македонската академија на науки и уметности и Република Македонија.
Имајќи го предвид ова, дали Арбен Таравари и Билал Касами онака „случајно“ се сретнаа, заради партиска пропаганда, со членовите на „Албанската академија за наука и уметност“? Дали е „случајно“ што е нејзиното „седиште“ токму во Тетово? Дали, исто така, случајно“, што „албанските академици“ побарале од кандидатот за „прв албански претседател на *Македонија“ „голема поддршка“ за нивното барање „да се институционализира Албанската академија“ во Тетово?
Дали ако и кога Арбен Таравари би станал претседател на државата со седиште во Скопје би се решил да придонесе кон втемелувањето на „Албанската академија за наука и уметност“ со седиште во Тетово, во другиот „ентитет“ во „територијално реорганизираната“ Македонија, што е негово ланско навестување од лани?!
