Зголемена фреквенција на возила, што е карактеристично за летниот период, одново има на граничните премини Табановце и Богородица.
Но исто како и на останатите гранични премини, од македонска страна, нема подолги задржувања, соопштија од АМСМ.
Сообраќајот на останатите државни патишта се одвива непречено, по суви коловози со зголемен интензитет на патните правци надвор од градските средини.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
