За случајот „Тврдина“, кој се однесува на уништувањето на опремата за прислушување Кривичниот суд во Скопје денеска донесе ослободителна пресуда за екс-министерката за внатрешни, Гордана Јанкуловска.
Ексначалникот на Петтата управа Горан Грујевски, шефот на кабинетот на поранешниот директор на УБК Тони Јакимовски, вработениот во УБК Никола Бошковски и Валентина Симоновска беа прогласени за виновни.
Грујевски, кој е во бегство, доби казна затвор од 14 години и шест месеци за злоупотреба на службената положба и овластувања, како и за фалсификување службена исправа.
Никола Бошковски, исто така вработен во УБК и во бегство, беше осуден на 9 години и 10 месеци затвор за истите обвиненија.
Јакимовски доби казна затвор од 3 години, додека Валентина Симоновска доби условна казна од 2 години, но условната казна нема да биде извршена доколку таа не стори ново кривично дело во рок од 5 години.
Во однос на Гордана Јанкулоска, судијата Илија Трпков истакна дека обвинението против неа не било докажано.
„Обвинетата Јанкулоска се ослободува од обвинение бидејќи јавниот обвинител не успеа да докаже надвор од разумно сомневање дека обвинетата го сторила делото за кое се обвинува“, судијата пренесе Плусинфо.
Судот, воедно, пресуди Грујевски, Јакимовски и Бошковски да ја надоместат причинетата штета во износ од 87.422.668 денариво рок од три месеци.
Пресудата е донесена по повеќегодишен судски процес што го привлече вниманието на јавноста поради сериозноста на обвиненијата и учеството на високи функционери во случајот.
