Новата партија „Глас на Македонија“ формирана на иницијатива на Соза Грчева, поранешна пратеничка од СДСМ, ќе дејствува опозициски.
„Првите денови ќе се бориме со нашите најжестоки проблеми, а тоа е да си го зачуваме Уставното име. Ќе бидеме вклучени на секаков можен начин. Јас и како дел од интелектуалците бев вклучена, но и Глас за Македонија секако ќе се вклучи“ – вели Грчева.
Грчева која е силен критичар на актуелната власт, но и на претходната, уште кон средината на минатата година најави формирање партија и преку социјалните мрежи ги повика заинтересираните да се приклучат кон иницијативата, и да го дадат својот потпис за основање на партијата.
Вчера, во хотелот „Александар Палас“ се одржа основачкото Собрание на кое и официјално беше формирана партијата.
