„Коалицијата Вреди ја обвинува ДУИ дека ги држела Албанците во заложништво со договори за работа. Според Вреди, ДУИ 20 години власт ги користела Албанците за гласови, со цел да ги условува, за да гласаат за неа.“ – објави ТВ Шења, пренесувајќи го соопштението на коалицијата Вреди.
Во тоа соопштение се наведува: ДУИ манипулираше со егзистенцијата на Албанците. Таков беше неодамнешниот случај на 21 вработени во Здравствениот дом во Куманово, каде што ДУИ манипулираше со овие Албанци, давајќи им договори за работа без согласност на Министерството за финансии и спротивно на законот. Должни сме да обезбедиме законитост и отвореност во управувањето со јавните фондови и да спречиме какви било неправилности, кои би можеле да го оштетат јавниот буџет. Раскинувањето на овие договори е неопходен чекор за заштита на буџетот и исполнување на законските обврски. Ги уверуваме овие Албанци дека ќе им се обезбедат работни места согласно со законот за работни односи. Ние нема да играме со судбината на Албанците, држејќи ги во заложништво, како ДУИ. Ние сме гаранција за благосостојбата на Албанците и нивниот поинаков живот.“
