Новиот состав на Собранието на Македонија ќе има 30 пратеници Албанци кои се од редовите на коалициите „Европски фронт“ и ВРЕДИ и еден од СДСМ.
Најголем дел од пратениците етнички Албанци се избрани во ИЕ 6.
На листата на „Европскиот фронт“ предводена од Али Ахмети се избрани и Талат Џафери, Илире Даути, Мендух Тачи, Рина Ајдари, Илир Демири, Фатмире Исаки.
Од ВРЕДИ, чија листа ја предводеше Билал Касами, за пратеници беа избрани и Беким Ќоку, Мимоза Муса, Халил Снопче, Фатмир Лимани, Саранда Имери-Стафаи и Садик Сулејмани.
Во ИЕ 5 каде носител на листа беше Зиадин Села од Европскиот фронт, беа избрани Муса Џафери и Арбана Пашоли.
Во оваа изборна единица ВРЕДИ обезбеди само еден мандат – Салим Сулејмани,
Во ИЕ 2 Европскиот фронт доби 4 пратеници – Садула Дураку, Скендер Реџепи-Зејд, Дијана Тоска и Елми Азири.
Избрани пратеници на ВРЕДИ се Африм Гаши, Ријад Шаќири и Мерита Коџаџику.
Во ИЕ 2 за заменик од листата на СДСМ е избран и Фатмир Битиќи.
Во првата изборна единица од листата на Европскиот фронт се избрани Блерим Беџети и Илир Хасани.
Од ВРЕДИ во ИЕ 2 беа избрани Изет Меџити и Беким Сали.
Во ИЕ 4 и 3, иако имаа кандидати за пратеници, коалицијата ВРЕДИ и Европскиот фронт не успеаја да освојат мандат.
