Во израелските воени напади врз Газа во саботата загинаа најмалку 29 Палестинци.
Војската продолжи да навлегува подлабоко во регионот Џабалија, каде што меѓународните хуманитарни агенции велат дека илјадници луѓе се заробени, пренесува Ројтерс.
Жителите велат дека израелските сили од воздух и од земја продолжиле да ја напаѓаат Џабалија каде се наоѓа најголемиот бегалски камп.
Деветнаесет лица беа убиени во Газа во текот на ноќта, а уште 10 загинаа во саботата вечерта, откако Израел нападна две куќи во Џабалија и кампот Нусејрат во центарот на Газа.
Бројот на жртвите може да се зголеми бидејќи многу од повредените се во критична состојба, соопштија медицинските лица.
Израелската армија соопшти дека оперирала против борците на Хамас кои се засолниле во цивилни згради.
Палестинските здравствени власти соопштија дека бројот на загинати во Џабалија во изминатата недела е околу 150.
Палестинците и претставниците на ОН велат дека нема безбедни зони во Газа.
Тие, исто така, изразија загриженост за големиот недостиг на храна, гориво и медицински материјали во северниот дел на Газа и рекоа дека таму постои ризик од глад.
Израелската воена кампања во Газа уби повеќе од 42.000 Палестинци од почетокот на пред една година, според Министерството за здравство на Газа, и ја опустоши енклавата.
