Венс: Војната во Украина нема да заврши наскоро

 

Американскиот потпретседател Џеј Ди Венс вчера за „Фокс њуз“ изјави дека војната во Украина нема да заврши „наскоро“.



„Сега кога секоја страна ги знае условите за мир на другата страна, на Русите и Украинците е да постигнат договор и да го запрат овој брутален, брутален конфликт“, рече Венс во интервју за Фокс њуз

„ Ова нема да заврши наскоро“, додаде Венс.

„Секако дека Украинците се лути поради инвазијата, но дали ќе продолжат да губат илјадници и илјадници луѓе на неколку километри територија во еден или друг правец?“ рече Ванс.

Американскиот државен секретар Марко Рубио вчера за истата телевизија изјави дека „наскоро треба да има вистински чекор напред во врска со војната во Украина, или претседателот на САД Доналд Трамп ќе мора да одлучи колку повеќе време да посвети на ова прашање“.

„Мислам дека знаеме каде е Украина и знаеме каде е Русија во моментов… Тие се поблиску, но сепак се далеку“, рече Рубио во интервју за „Фокс њуз“.