Вардарци следната сезона повторно ќе играат во Првата македонска фудбалска лига откако денеска во Струмица на стадионот „Благој Истатов“ во баражот ја совладаа екипата на Детонит Плачковица со 2:0.
Фудбалерите на Вардар работата ја завршија за четири минути и тоа во финишот од првиот дел. Подобрата игра во првото полувреме беше крунисана со голот на Дејан Ѓуриќ во 42. минута, а само четири минути подоцна Лука Шушњара со одличен гол ги реши дилемите околу победникот.
„Црвено-црните“ во вториот дел се решија за одбрана на резултатот, противникот се обидуваше, ама не успеваше да го загрози нивниот гол.
