Богојески: ДУИ нека не се секираат ќе добијат и правда и правичен ветинг

Провокациите на ДУИ и нивните измеќари ќе продолжат, последната беше случајот со Косоварката Вјоса, сега е со ветингот и ќе продолжат уште низа такви, ние не треба да паѓаме на тие провокации и би апелирал и до приајтелите од „Вреди“, да намалат со паѓање на провокациите на ДУИ, коментира претседателот на Македонски концепт Петар Богојески.

-И апелирам и до медиумите да се стави на игнор комплетно ДУИ. Сите нивни обиди се насока само да се спасат од кривичен прогон. Околу ветингот нека не се секираат ДУИ, ќе добијат правда и правичен ветинг, но од македонските институции, да не се кријат зад некакви си меѓународни партнери и приказни за меѓународен ветинг, такво нешто на планетава земја не постои, изјави Богојески за тв Алфа.