Најновите бројки предвидуваат дека населението на Грција ќе се намали до 25 проценти до 2070 година, што е далеку над просекот на Европската унија од 4 отсто, пишува британски „Експрес“.
Во 2022 година земјата забележа помалку од 77.000 раѓања, најмалку во речиси еден век, а смртните случаи достигнаа 140.000.
Економските предизвици, ниските плати и високата невработеност принудија многу млади Грци да заминат во странство, влошувајќи ја кризата.
Стапката на фертилитет во Грција сега е само 1,32 раѓања по жена, што доведува до стареење на населението.
Владата воведе даночни олеснувања и мерки за поддршка на семејството за да се бори против овој тренд, при што официјалните лица ја нарекуваат „најголема закана“ на нацијата.
