Претседателот во заминување Џо Бајден нема да ја спроведе забрана за социјалната мрежа ТикТок, која треба да стапи на сила еден ден пред да ја напушти функцијата во понеделник, изјави вчера неименуван американски функционер за АП.
Судбината на апликацијата на тој начин останува во рацете на новоизбраниот претседател Доналд Трамп.
Конгресот минатата година, во нацрт-законот потпишан од Бајден, бараше кинеската матична компанија ByteDance, сопственик на TikTok, да ја продаде компанијата до 19 јануари, ден пред инаугурацијата на новиот претседател.
Трамп, кој претходно повика апликацијата да биде забранета, оттогаш вети дека ќе ја обезбеди нејзината достапност во САД, иако неговиот транзициски тим допрва треба да открие како планираат да го постигнат тоа.
Извршниот директор на TikTok, Shou Zi Chew, се очекува да присуствува на инаугурацијата на Трамп и да добие истакнато место, додека советникот на Трамп за национална безбедност сигнализираше можност новата администрација да преземе чекори за да спречи „исклучување на TikTok“, според АП.
