Граѓани на социјалните мрежи апелираат да се спречи опасната прашина која се заканува на здравјето на илјадници граѓани на градот Дебар и околните села.
Иако во постот на Фејсбук не се споменува ниту прозива директно името на одговорната компанија неофицијално се работи за австриската компанија Кнауф која има своја фабрика во Дебар и која е еден од наголемите светски производители на гипсени производи.
Со апелот да се спречи катастрофата граѓаните објавуваат фотографија на која се гледа бел облак од прашина за која се тврди дека е опасна најситна гранулација на гипсена прашина.
,,Прозивка за одговорните лица. Ова е атак врз градот и околината. Најситната гранулација од гипсената прашина лебди над градот Дебар и околината”, стои во објавата на социјалните мрежи.
