Изненадувачки, независниот кандидат Калин Џеорџеску, познат како анти-НАТО, националист, проруски кандидат, собра најмногу гласови во првиот круг од претседателските избори во Романија – 22,16 отсто од гласовите, објави синоќа агенцијата Аџерпрес, повикувајќи се на објавените податоци од Постојаното изборно тело со централизирани близу 95 отсто од протоколите во земјата.
На второ место, според привремените резултати, е социјалдемократскиот премиер Марсел Чолаку со 20,38 отсто.
Третото место го зазема лидерката на десноцентристичката опозициска партија „Сојуз за спас на Романија“ Елена Ласкони со 17,81 отсто, покажуваат податоците на Постојаната изборна управа, кои во реално време се емитуваат на веб-страницата на институцијата.
На гласањето во странство повторно првопласиран е Калин Георгеску со 39,13 отсто, информира Агерпрес, а второпласирана е Елена Ласкони (Сојузот за спас на Романија) со 28,24 отсто.
Овие резултати јасно покажуваат дека првопласиран е независниот кандидат Калин Георгеску, додека за второто место се борат Елена Ласкони и Марсел Чолаку.
Романските медиуми забележуваат дека сè уште не може да се каже кој кандидат ќе влезе во вториот круг против Калин Џорџеску, бидејќи разликата меѓу Елена Ласкони и Марсел Чиолаку не е многу голема.
Уште повеќе што актуелниот претседател Марсел Чолаку, е на шесто место на изборите во странство.
Калин Џеорџеску е религиозен националист, за време на неговата кампања тој водеше кампања за намалување на зависноста на Романија од увоз, за поддршка на земјоделците и зголемување на локалното производство на храна и енергија.
Тој, исто така, тврди дека ЕУ и НАТО не ги застапуваат соодветно романските интереси и смета дека војната на Русија во Украина се манипулира од американски воени компании.
Во 2022 година тој изјави дека противракетниот штит на САД лоциран во Романија е дел од политиката на конфронтација, а не мерка за заштита на мирот, истото што го кажа и рускиот претседател Владимир Путин, потсетува „Политико“.
Во тоа време, Џеорџеску рече дека нема поддршка од Русија, но дека се чувствува близок со нејзината култура.
Тој го опиша Путин како „човек кој ја сака својата земја“.
Џеорџеску е универзитетски професор и меѓународен консултант за одржлив развој, кој работел за различни организации на ОН повеќе од десетина години.
Го искористи TikTok за привлекување гласачи.
„Тој успеа да ги убеди преку комбинација на месијански говор изнесен на елегантен начин, за да го искористи разочарувањето на луѓето“, изјави за Политико политичкиот аналитичар Раду Магдин.
