Македонскиот фудбалски репрезентативец Езгјан Алиоски со Ал Ахли се пласира во финалето на азиската Лига на шампионите со победата од 3:1 над Ал Хилал во Џеда.
Во својот петти настап во ова натпреварување 33-годишниот лев бек ги одигра сите 90 минути за саудискиот тим, кој во натпреварот за трофејот на 4 мај за противник ќе го има подобриот од утрешниот втор полуфинален дуел меѓу Ал Наср со Кристијано Роналдо и Кавасаки од Јапонија.
Прилепчанецот против Ал Хилал доби жолт картон уште во првата минута.
