Министерот за здравство, Венко Филипче, ја повика ВМРО ДПМНЕ да учествува во работните тела за изградба на новиот клинички центар.
Повикот за транспарентност има за цел да им покаже на сите дека сè е јавно и дека вистински интерес се токму граѓаните и создавање функционален клинички центар за нивните потреби, се вели во повикот на Филипче.
„Да бидеме конструктивни за доброто на државата. Ја повикуваме ВМРО-ДПМНЕ да учествува и да ја следи работата на сите тела вклучени во проектот за изградба на нов клинички центар во Скопје. Ова е единствен начин ваков голем проект да успее за доброто на граѓаните на државата. Заедно да бидеме дел од еден успешен проект. Транспарентно, заеднички да покажеме дека интерес ни се граѓаните, а не собирање политички поени. Отворени сме за соработка, ве очекуваме да бидете дел од работните групи“, вели министерот Филипче во својот јавен повик.
