Вдовица на рускиот опозициски лидер Алексеј Навални, Јулија, изјави дека има намера да биде претседател на Русија. Таквата одлука ја донела со сопругот пред тој на почине, изјави таа за Би-Би-Си.
Таа се соочува со апсење за „учество во екстремизам“ ако се врати во Русија додека Путин е на власт.
Нејзиниот сопруг, најгласниот критичар на претседателот Путин, беше осуден на 19 години за екстремизам, а обвиненијата се сметаа за политички мотивирани. Александар почина во февруари во казнена колонија во Арктичкиот круг.
Презентирајќи ги мемоарите што нејзиниот сопруг ги напиша пред неговата смрт, Јулија Навална ги повтори плановите да ја продолжи борбата на нејзиниот сопруг за демократија.
„Кога ќе дојде време, ќе учествувам на претседателските избори како кандидат. Мој политички противник е Владимир Путин. И ќе направам се за да го урнеме неговиот режим што е можно поскоро“, рече Навална. Но, сега тоа мора да биде надвор од Русија.
Навалнаја вели дека не може да се врати додека Путин е на чело, но со нетрпение го очекува денот за кој верува дека неизбежно ќе дојде, кога ерата на Путин ќе заврши и Русија повторно ќе се отвори.
Исто како и нејзиниот сопруг, таа верува дека ќе има можност да се одржат слободни и фер избори. Кога тоа ќе се случи, вели дека ќе биде таму…
