Американскиот претседател Доналд Трамп изјави дека би можел да се сретне со рускиот претседател Владимир Путин „многу скоро“ додека официјални лица од земјите се подготвуваат да се сретнат во Саудиска Арабија на разговори за ставање крај на војната во Украина.
„Нема одреден термин, но може да биде многу наскоро“, им рече Трамп на новинарите во неделата пред разговорите меѓу американските и руските претставници во Саудиска Арабија.
„Ќе видиме што ќе се случи“, додаде Трамп на прашањето дали може да се случи средба овој месец.
Обраќајќи им се на новинарите откако американскиот државен секретар Марко Рубио претходно се обиде да ги ублажи очекувањата за брз крај на конфликтот, Трамп изрази уверување дека Путин сака да стави крај на војната.
„Тие имаат голема моќна машина, вие го разбирате тоа. Го победија Хитлер и го победија Наполеон. Тие се бореа долго време“, им рече Трамп на новинарите по летот на Air Force One.
„Тие тоа го правеа и претходно. Но, мислам дека тој би сакал да престане да се бори“.
Запрашан дали верува дека Путин сака да ја заземе целата територија на Украина, Трамп рече дека го поставил истото прашање и на неговиот руски колега и дека ќе биде „голем проблем за нас“ ако е така.
