Во вторник го славиме илјадитиот ден од војната во Украина, изјави британскиот премиер Кеир Стармер во пресрет на самитот на Г20, на кој присуствуваат големите светски лидери, но не и Владимир Путин.
„Мораме да ги удвоиме нашите напори за да ја зајакнеме поддршката за Украина“, рече британскиот премиер, пренесува Еуроњуз.
„Тоа значи 1.000 дена руска агресија, 1.000 дена жртва за украинскиот народ, а неодамна гледаме дека севернокорејските трупи соработуваат со Русите“, продолжи тој. „Тоа го покажува очајот на Русија, но има и сериозни импликации за европската безбедност (…) и безбедноста на Индо-пацификот“, предупредува Стармер.
„Мораме да обезбедиме целосна поддршка на Киев, колку што е потребно“, додаде лидерот на лабуристите.
Стармер „нема намера да разговара“ со Владимир Путин, изјави тој вчера, два дена по контроверзната средба меѓу германскиот канцелар Олаф Шолц и рускиот претседател.
„Канцеларот Шолц сам одлучува со кого ќе разговара. Немам намера да разговарам со Путин“, рече Стармер.
