Министерката за одбрана Радмила Шекеринска во интервју за ТВ 21 потврди дека нејзината партија Социјалдемократски сојуз на Македонија го дал предлогот за албански симболи на парите.
„Да. Нашите и досегашни книжни пари се мултиетнички и сега во моментов, меѓутоа сметавме дека е добро тоа да стои во Законот како политичка заложба, како законска обврска. Инаку и сега се цитира, мислам дека е поглед низ традиционален албански прозорец. Нашите пари се помалку со личности, повеќе се делови од нашето национално богатство и сите етнички заедници во Македонија имаат со што да се пофалат. Македонија може, сега првпат имаме шанса, да покажеме дека нашата шареноликост, етничка, религиозна, во секоја смисла, може да биде сила за Македонија“, одговори Шекеринска во емисијата „Клик плус“.
