Украина мора да победи во војната против руските освојувачи и Русија мора да биде поразена, изјави Претседателот на балтичката земја Латвија (Летонија), Едгарс Ринкевич.
„Целосно го поддржувам Емануел Макрон. Не смееме да си повлекуваме црвени линии за Русија, мора да повлекуваме црвени линии за Русија и не смееме да се плашиме да се држиме до нив. Украина мора да победи, Русија мора да биде поразена“, додаде Ринкевич.
Претседателот ја парафразираше латинската изрека „Carthago delenda est“ („Картагина мора да биде уништена“) пишувајќи „Russia delenda est“.
По почетокот на војната во Украина, Летонија воведе задолжителен воен рок за мажи на возраст од 18 до 27 години. На Запад постојано се разговара за заканата од можен руски напад.
