„Одлуката на лидерот на АА Арбен Таравари да ја повлече партијата од владата предизвика расправа во партијата. Уште еден критички глас се придружи на реакциите на спротивставувања: Сирија Рашиди, член на централното претседателство на АА и поранешен пратеник од оваа партија, искажа вознемиреност поради најновиот политички потег во Алијансата, но и со иронија порача дека „најдоброто што може да се случи е враќањето на Али Ахмети на бел коњ“! – објави информативната агенција на албански јазик „Журнал“.
„Журнал“ пишува: „Целиот овој неочекуван потег на Алијансата за Албанците се продава како мистерија, што ќе донесе големо добро. Но, најголемото големото ‘добро’, што може да се случи, е враќањето на Али Ахмети на бел коњ!’ – објави Сирија Рашиди.“
„Неговата реакција доаѓа по растечките критики кон Таравари, кого колегите од партијата и поранешните сојузници го обвинуваат дека ја оттргнува АА од патот на промените и ја приближува до структурите, кои АА вети дека ќе ги порази.“
