НАТО нема да се усогласи со предлогот на новоизбраниот американски претседател Доналд Трамп за значително зголемување на трошоците за одбрана, но најверојатно ќе се согласи на повисоки трошоци од сегашните нивоа, пишува Ројтерс, цитирајќи официјални претставници и аналитичари.
Официјални лица од земјите на НАТО рекоа дека се согласиле дека трошоците за одбрана треба да продолжат да растат, но не ја поддржуваат бројката од 5 проценти, што според аналитичарите е политички и економски невозможна за речиси сите членки. Официјални лица велат дека новата цел најверојатно ќе биде договорена на самитот на НАТО во Хаг во јуни, поттикнати од стравувањата дека Русија би можела да нападне земја на НАТО по Украина и по совет на Трамп.
Некои официјални лица очекуваат дека 32-те членки на НАТО, по многу расправии, ќе се договорат за цел од околу три проценти од БДП. Италијанскиот министер за одбрана Гидо Крозето изјави за Ројтерс дека се чини дека ќе има пробив.
Новоизбраниот претседател на САД во вторникот рече дека членките на воената алијанса треба да издвојат 5 отсто од бруто домашниот производ (БДП) за одбраната, што е огромен пораст од сегашната цел од два отсто и ниво што ниту една земја на НАТО, вклучително и Соединетите држави во моментов постигнува, според Ројтерс.
