Денеска претседателот на Владата на Република Македонија Христијан Мицкоски заедно со директорот на Дирекцијата за технолошки индустриски развојни зони (ТИРЗ) Гоце Димовски ќе присуствуваат на поставување камен-темелник на изградба на фабрика за електронски батерии за автомобили на белгиската компанија „Avesta Battery and Energy Engineering“ во Технолошко-индустриската зона Кичево.
Договорот на инвестицијата е во вкупна вредност од 40 милиони евра и отворање 600 нови работни места. Во првата фаза инвестицијата изнесува 10 милиони евра, со вработување на 200 лица, најавија од Владата.
Предвидено е претседателот на Владата Мицкоски да даде изјава за медиумите.
