Мицкоски: ДУИ ја загрозува интеретничката слика и претставува закана по мирот и стабилноста

Со ова неодговорно однесување, ДУИ ја загрозува интеретничката слика во државата и претставува закана по мирот и стабилноста на Македонија како држава. И, ние ќе ги преземеме сите неопходни мерки како Влада, за да го заштитиме суверенитетот и територијалниот интегритет на Македонија како држава, вели премиерот Мицкоски во интервју за Фокус.

Во суштина, овие пораки се обид грчевито да се брани богатството стекнато во изминативе 20 години на власт. И тоа е факт, затоа што демократијата подразбира тој што има мнозинство во парламент да има и влада. Ниту на Балканот, ниту на Европа ѝ е потребен уште еден конфликт. Состојбата со Косово гледаме како се развива, Босна и Херцеговина, да не зборувам за војната во Украина, додаде премиерот

Тој вели дека суштината е да се одбрани капиталот стекнат во овие 22 години на политичка сцена и 20 години власт. Но, не ја исклучува можноста одредени групи и структури да бидат изманипулирани, несвесно и тие групи и структури би можело да го предизвикаат територијалниот интегритет и суверенитет, да создадат криза.

-Ние имаме задача како Влада тоа да го браниме и да се одбраниме, заклучи Мицкоски.