Франсускиот претседател во разговорот објавен од весникот Le Parisien синоќа повтори дека во одреден момент може да бидат потребни западни копнени операции во Украина.
Запад контра Макрон: Нема испраќање војници во Украина
„Не го сакам тоа и нема да покренам таква иницијатива, но можеби во одреден момент ќе бидат потребни операции на теренот, какви и да се тие, за да се спротивставиме на руските сили“, рече Макрон.
„Силата на Франција е во тоа што можеме да го направиме тоа“, додаде тој.
Ден претходно, францускиот претседател се сретна со германскиот канцелар Олаф Шолц и полскиот премиер Доналд Туск во Берлин.
Повторените изјави на Макрон дека не сака да ја исклучи можноста за испраќање копнени сили во Украина предизвикаа загриженост кај сојузниците на Франција, пред се Германија, и речиси едногласно противење на француската опозиција.
Во изјава за Le Parisien, Макрон тврди дека нема несогласување со Берлин во овој поглед.
„Нема стратешки разлики“, рече тој. „Никогаш немаше никакво недоразбирање меѓу канцеларката и мене. Имаме многу блиски ставови за целите и ситуацијата. Начинот на кој ги изразуваме се разликува“, додаде тој.
Тој исто така нагласи дека помошта на Франција и Германија за Украина може да биде комплементарна.
„Германија троши повеќе од Франција, има повеќе буџетски простор, тоа е можност. А Франција, од друга страна, може да прави работи што Германија не може“, рече тој, а потоа ја релативизираше силата на Русија:
„Не треба да се плашиме, не се соочуваме со голема сила, Русија е средна сила според нуклеарното оружје, а нејзиниот БДП е помал од БДП на Европејците, помал од германскиот, помал од францускиот…
