Лидерот на Движењето Беса, Билал Касами, одговори на повикот на Али Ахмети, кој побара ВРЕДИ да ја напушти Владата. Касами рече дека Ахмети се плаши од локалните избори и оти во ДУИ се разговара за нивен можен бојкот.
„Се повеќе гледаме дека Ахмети се плаши од локалните избори и направи се за да избега од локалните избори и да ги бојкотира.
Нашите информации се дека внатре во ДУИ сериозно се зборува за неучество на локалните избори и на ова гледаме само како потег на Ахмети во насока на создавање алиби за да не учествува на изборите“, рече Касами.
На прашањето кој е интересот на ДУИ да ги бојкотира локалните избори, Касами рече дека ДУИ нема достојни кандидати за албанските општини.
„Случајот со Тетово и многу други општини, тие имаат проблем да најдат кандидати да излезат на избори, да се натпреваруваат. Ова го има и во Струга, Кичево, Гостивар и Чаир. Така што во главните општини, со ситуацијата со која се соочуваат, не можат да најдат кандидати и не можат да се организираат да учествуваат на изборите, бидејќи за нивна несреќа главниот човек што ја организираше целата изборна кампања е во егзил, за се што му се случи“.
„Не случајно бараат, имаат барање кое е нелогично и неприфатливо заедно со локалните избори да дојдат и парламентарните и знаат дека ова барање нема да биде прифатено и оценуваме дека тоа е алиби за да ги бојкотираат локалните избори“, рече Касами./Телеграфи/
