Две години по сеопфатната инвазија на Путин на Украина, (од 24.02.2022) ситуацијата никогаш не изгледала поопасна за Киев, но и за неговите соседи долж западната граница на Русија.
Не само што рускиот претседател Владимир Путин ја замолкна конференцијата за безбедност во Минхен со веста за смртта на неговиот главен политички ривал, Алексеј Навални, туку тој постигна и добро одмерен успех на бојното поле кога неговите војници конечно ја зазедоа Авдијивка во источна Украина во текот на викендот.
Според еден од учесниците на конференцијата во Минхен, расположението на собирот на западните безбедносни и дипломатски елити било мрачно, пишува Индекс.хр
„Постои чувство на итност без чувство за акција“, изјави за Политико Јан Техау, германски директор во тинк-тенкот Евроазија. „Ситуацијата е многу чудна“, додаде тој.
Американските републиканци, по наредба на поранешниот претседател Доналд Трамп, ја блокираат испораката на оружје за Украина.
Европските лидери, и покрај тоа што станаа главни материјални поддржувачи на Украина, не успеваат да ја пополнат празнината во воените резерви што ја оставија САД.
Лидерите на земјите најблиски до Русија се подготвуваат за можна војна.
Висок шведски одбранбен функционер им рече на своите сонародници во јануари „психички да се подготват“ за војна, а министрите за одбрана на Данска и Естонија претходно овој месец предупредија дека Русија најверојатно ќе започне со тестирање на посветеноста на НАТО на членот 5 во следните пет години.
Во говорот на конференцијата во Минхен, германскиот канцелар Олаф Шолц навести дека Западот тивко ги редефинира своите воени цели во Украина: наместо да каже „Украина ќе победи“ или „Русија мора да ја напушти Украина“, германскиот канцелар тврдеше дека Путин не треба да му биде дозволено да ги диктира условите мир во Украина. „Нема да има диктиран мир. Украина нема да го прифати, ниту ние“, рече Шолц.
„Ова е дефинитивно помеко од „Украина не може да загуби“.
„И во основа тоа значи цементирање на статус кво“.
Иџвор; Индекс.хр
