Една од најголемите фабрики за производство на кондиторски производи, со логистички центар ќе се изгради во општина Кисела Вода. Градоначалникот Ѓорѓиевски ја најави големата инвестиција вредна 20 милиони евра. На површина од 22 илјади метри квадратни ќе се гради една од најголемите фабрики за производство на кондиторски производи со логистички центар. Планирано е вработување на 300 лица, а производството е наменето за извоз.
-Големите работи доаѓаат со истрајност и со вистинска соработка. Гордост ми е да најавам дека во општина Кисела Вода ќе започне со изградба на една од најголемите фабрики за производство на кондиторски производи, како и логистички центар. Од општина која беше пред банкрот, до општина со која сите се гордееме и каде почнуваат големи инвестиции. Да ни се множат успесите-изјави градоначалникот Орце Ѓорѓиевски.
