Вреди реагираше кон изјавата на Али Ахмети, кој рече дека „еден нивен повик ќе предизвика земјотрес“. Според Вреди, откако ДУИ ја изгуби власта ја изгуби и контролата, та почнаа и да врескаат. Но, како што нагласуваат од Вреди, земјотресот веќе се случил на 8 мај, кога ДУИ беше испратена во опозиција. Соопштението на Вреди го пренесе ТВ 21.
Натаму во соопштението се наведува: „Вреди сака да ги потсети Ахмети и сите граѓани дека вистинскиот земјотрес се случи на 8 мај 2024 година кога гласовите на Албанците ја соборија ДУИ од власт по 20 години неуспех, изолација и заробеност на државата. Ова беше демократски, чист и моќен земјотрес, што ја донесе промената, на која работевме заедно со граѓаните.“
„Што се однесува до повиците на ДУИ, граѓаните се сеќаваат повеќе отколку што би сакал Ахмети, бидејќи тој најавуваше масовни протести уште од септември минатата година. Ахмети започна со средби со граѓаните и доби од нив целосен бојкот. Овој бојкот го шокираше Ахмети и затоа се откажа од протестите тогаш. Да, граѓаните повеќе не одеа на состаноците на ДУИ, затоа што беа ослободени, откако со својот глас ѝ го одзедоа на ДУИ механизмот на заканата – моќта.“
„Вреди е гласот на надежта и ќе продолжи да биде тоа, глас на реформите и на правдата. Ние, како како Вреди не сме тука, за да произведуваме ‘медиумски земјотреси’, туку за да изградиме функционални институции, да ја вратиме довербата во државата и да го ослободиме потенцијалот на младите, жените и на сите Албанци во С.Македонија“ – реагира Вреди кон заканите на лидерот на ДУИ Али Ахмети со „земјотрес“.
