„Најостро реагираме и ги демантираме информациите изјавени во неколку медиуми од Министерство за здравство и должни сме на јавноста да ѝ појасниме дека какви било навреди или притисоци врз Албанци, а кои претходно беа ангажирани со договор за дело, не се упатени од страна на проф. д-р Нико Беќаровски“.
Ова се вели во писмото од колеги-вработени во Клиниката за Токсикологија откако Министерството за здравство на Фејсбук сподели документ во кој има сериозни обвинувања за доктор Нико Беќаровски дека наводно ги навредувал вработените по национална основа.
Тие со потпишана изјава ги демантираат наводите на колегите Албанци кои имаат истечени договори и не се повеќе вработени на Клиниката дека Беќаровски упатувал навреди кон Албанците.
Во писмото, вработените уште велат:
„Доктор Нико Беќаровски е врвен професиналец кој повеќе од 10 години работи ургентна медицина и спасува човечки животи без разлика на етничката припадност или припадност на политичка партии, па поврзувањето неговото име со вакви невистини за политички цели е скандалозно и некоректно и поттикнува нетрпение по национална основа“.
