Новоизбраниот претседател Доналд Трамп објави дека го номинирал поранешниот гувернер на Арканзас, Мајк Хакаби, за амбасадор на САД во Израел.
„Тој го сака Израел и народот на Израел, а народот на Израел го сака исто така. Мајк неуморно ќе работи за да донесе мир на Блискиот Исток“, рече Трамп.
Хакаби беше силен бранител на Израел во текот на неговата кариера.
Тој ги поддржа израелските населби на Западниот Брег, вклучувајќи го и поставувањето камен-темелник за ново соседство во една од најголемите израелски населби на Западниот Брег, источно од Ерусалим.
Во 2017 година изјави дека ја отфрла употребата на зборот „населби“. „Мислам дека Израел има имотен лист за Јудеја и Самарија“, рече тој тогаш, користејќи ги библиските имиња за Западниот Брег, потсетува Си-Ен-Ен..
„Има одредени зборови што одбивам да ги користам. Западниот брег не постои. Тоа се Јудеја и Самарија. Не постои нешто како населби. Тие се заедници, тие се населби, тие се градови. Не постои такво нешто како окупација “, смета тој..
Израел изгради околу 160 населби каде живеат околу 700.000 Евреи откако ги освои Западниот Брег и Источен Ерусалим во војната на Блискиот Исток во 1967 година, земја што Палестинците ја сакаат како дел од идната држава.
